မက္ကဆီကို က စလိုက်တဲ့ ဝက်တုပ်ကွေး ကမ္ဘာဆီကို ပြန့်နှံဖွယ်အနေအထားရှိနေပါတယ်။ ၂၀၀၉ ခုနှစ် ဧပြီလ
၁၇ရက်မှ၂၅ရက်နေ့အထိ မက္ကဆီကို၊ အမေရိကန်၊ ကနေဒါ၊ နယူးဇီလန် စတဲ့ နိုင်ငံတွေမှာ ဝက်တုပ်ကွေးရော
ဂါ ဖြစ်ပွားပြီး လူတွေကို ကူးစက်ခဲ့လို့ လူပေါင်း ၁၃၀၀ကျော် ကူးစက်ခံရပြီး ၁၂၀ကျော် သေဆုံးခဲ့ရတယ်လို့ မီ
ဒီယာများက ဆိုပါတယ်။
ဝက်တုပ်ကွေးဆိုတာ ကြက်ငှက်တုပ်ကွေးဗိုင်းရပ်စ်ပိုး H5N1 လို ဗိုင်းရပ်စ်မျိုးရိုးဗီဇအချင်းချင်း ပေါင်းစပ်ပြီးဖြစ်
လာတဲ့ ဗိုင်းရပ်စ်အသစ်တစ်မျိုးပါ။ ဝက်တုပ်ကွေးကတော့ မျိုးရိုးဗီဇ လေးမျိုးပေါင်းစပ်ပြီးဖြစ်လာတဲ့ H1N1 ပိုး
သစ်တစ်ခုလို့သိရပါတယ်။ ကြက်ငှက်တုပ်ကွေးနဲ့မတူတာက ကြက်ငှက်တုပ်ကွေးဟာ ရောဂါဖြစ်တဲ့ကြက်တွေ
ကနေလူတွေကို ကူးစက်ပေမဲ့ လူအချင်းချင်းတော့ ကူးစက်ခံရမှုမရှိသလောက် နည်းပါးပါတယ်။ အဲ ဝက်တုပ်
ကွေးကတော့ ရောဂါဖြစ်နေတဲ့ ဝက်ဆီကနေ လူအချင်းချင်းကိုကူးစက်တာပါပဲ။ လူဆိုတာကလည်း ငြိမ်နေတဲ့
သစ်ငုတ်ကြီးမှ မဟုတ်တာ။ သွားလာလှုပ်ရှားရပေဦးမပေါ့။ အဲတော့လူတွေခရီးသွားကြတယ်။အဲဒါနဲ့ပဲတစ်နိုင်
ငံ ချင်းကူးစက်ခံရလိုက်တာ အာရှပစိဖိတ်ဒေသထိရောက်လာခဲ့ပါပြီ။
ဒါကြောင့် မြန်မာနိုင်ငံ ကျန်းမာရေးဝန်ကြီးဌာနကလည်း ပြည်တွင်းကို ကူးစက်ရောဂါတွေ ဝင်မလာအောင်
လေဆိပ်တွေ၊ ဆိပ်ကမ်းတွေနဲ့ နယ်စပ်တွေကနေ ရောဂါမဝင်ရလေအောင် ဆောင်ရွက်လျက်ရှိကြောင်း နိုင်ငံ
ပိုင်သတင်းစာများက ဖော်ပြပါတယ်။ သံသယရှိတဲ့ လူနာတွေကိုလည်း သက်ဆိုင်ရာ သတ်မှတ်ဆေးရုံများမှာ
စောင့်ကြပ်ကြည့်ရှုဖို့စီစဉ်ထားပြီးထိရောက်စွာကုသနိုင်ဖို့ကိုလည်းဆေးဝါးတွေ၊ပစ္စည်းကိရိယာတွေဖြည့်ဆည်း
ထားပြီး ဖြစ်ကြောင်း စသည်ဖြင့် ၂၈ရက်၎လ ထုတ် ကြေးမုံသတင်းစာမှာဖော်ပြထားပါတယ်။
ဘယ်လိုပစ္စည်းကိရိယာတွေပဲ ဖြည့်ဆည်းထားပါစေ။ ရောဂါကူးစက်ခံစားရပြီး ဖြည့်ဆည်းပေးထားတဲ့ နေရာ
တွေဆီ အချိန်မီရောက်မလာနိုင်ဘူးဆိုရင်တော့ အသက်ဆုံးရှုံးရမှာပါပဲ။ အဲတော့ လူမှုပတ်ဝန်းကျင်မှာ ဝက်
တုပ်ကွေးရောဂါလက္ခဏာများ ပြလာပြီဆိုရင်တော့ သက်ဆိုင်ရာ ကျန်းမာရေးဌာနတွေမှာ သွားရောက်ကုသ
သင့်ပါတယ်။ ဝက်တုပ်ကွေးရဲ့ ရောဂါလက္ခဏာများကတော့ -
ကိုယ်ပူခြင်း၊ နှာရည်ယိုခြင်း၊ နှာစေးချောင်းဆိုးခြင်း၊ ကိုယ်လက်ကိုက်ခဲခြင်း၊ ခေါင်းကိုက်ခြင်း၊ ပင်ပန်းနွမ်းနယ်
ခြင်း၊ အသက်ရှူကျပ်ခြင်း တို့ဖြစ်ပြီး အခြားတုပ်ကွေးရောဂါလက္ခဏာများနဲ့လည်းတူပါတယ်။
အထက်ပါ လက္ခဏာများဖြစ်လာပြီဆိုရင်တော့ နီးစပ်ရာကျန်းမာရေးဌာန သို့မဟုတ် ဆေးရုံ၊ ဆေးခန်းများမှာ
သွားရောက်ကုသမှုခံယူသင့်ပါတယ်။ လူတွေကို မကူးစက်နိုင်အောင် နှာခေါင်းစည်းများ ဝတ်ဆင်သွားသင့်ပါ
တယ်။ ဝက်တုပ်ကွေးရောဂါဟာ လူလူချင်းကူးစက်နိုင်လို့ ကမ္ဘာအနှံ့ ကူးစက်ပြန့်ပွားနိုင်ပြီး ကပ်ရောဂါဖြစ်လာ
နိုင်ပါတယ်။ ကမ္ဘာ့ကျန်းမာရေးအဖွဲ့ကြီးက ထုတ်ပြန်ထားတဲ့ ကပ်ရောဂါ အဆင့် ၆ ဆင့်ရှိပါတယ်။ အခု အဆင့်
၎ ဆင့်ရောက်နေပြီလို့လည်း သိရပါတယ်။
ကပ်ရောဂါ အဆင့် ၆ ဆင့် ပြ ပုံ
ဒါကြောင့် မြန်မာအစိုးရအနေနဲ့ ပြည်သူများ သတိပြုလိုက်နာဆောင်ရွက်ရမယ့် အချက်တွေကို အောက်ပါ အ
တိုင်း နှိုးဆော်ထားပါတယ်။
နှာချေ ချောင်းဆိုးလျှင် လက်ကိုင်ပုဝါဖြင့် ဖုံးအုပ်ခြင်း၊ လက်ကို ဆပ်ပြာနှင့် စင်ကြယ်စွာဆေးကြောခြင်း၊ တစ်
ကိုယ်ရေ သန့်ရှင်းမှုကို ဂရုပြုဆောင်ရွက်ခြင်း၊ ကောင်းစွာအိပ်စက်အနားယူခြင်း၊ အာဟာရပြည့်ဝသည့်အစား
အစာများ စားသုံးခြင်း၊ ကိုယ်လက်လှုပ်ရှားမှုမှန်မှန်ပြုလုပ်ခြင်း၊ လေကောင်းလေသန့် ရရှိအောင် ဆောင်ရွက်
နေထိုင်ခြင်း ။
တုပ်ကွေးရောဂါဖြစ်နေသူတွေနဲ့ သံသယရှိသူတွေက အခြားလူတွေကိုမကူးစက်အောင် ပြီးတော့ လူနာစောင့်
တွေအနေနဲ့ ကိုယ့်ကို ရောဂါမကူးစက်ရလေအောင် နှာခေါင်းစည်းများ ဝတ်ဆင်ထားသင့်ပါတယ်။
ကျန်းမာရေးဝန်ကြီးဌာနကလည်းနိုင်ငံအချို့မှာဖြစ်ပွားနေတဲ့ဝက်တုပ်ကွေးရောဂါပြည်တွင်းကိုကူးစက်ရောက်
ရှိမလာအောင် ဆောင်ရွက်နေပါတယ်။ တကယ်လို့ ရောက်ရှိလာရင်လည်း လိုအပ်တဲ့ ဆေးကုသရေးများ ကို
လည်း ဆောင်ရွက်ထားရှိကြောင်းကိုလည်း သိရပါတယ်။ နိုင်ငံအချို့မှာ ဖြစ်ပွားနေတဲ့ ဝက်တုပ်ကွေးနဲ့ ပက်
သက်ပြီး ပြည်သူတွေသိရှိဖို့ လိုအပ်လို့ရှိရင် အချက်အလက်တွေကို အချိန်နဲ့တစ်ပြေးညီ အသိပေးသွားမယ်လို့
လည်း ဖော်ပြထားပါတယ်။
တကယ်လည်း အချိန်နဲ့တစ်ပြေးညီ ဖို့ လိုအပ်ပါတယ်။ ဘာကြောင့်လဲဆိုတော့ ဘစ်ဂ်ျလီမုန်တိုင်းသတင်း ကြေ
ငြာတုန်းကပေါ့။ ညခြောက်ခွဲ ခုနစ်နာရီ မြန်မာ့အသံမှာဖျော်ဖြေရေးလာနေတုန်း အောက်က မုန်တိုင်းသတင်း
- အဝါရောင်အဆင့်သို့ပြောင်းသွားပြီဖြစ်ကြောင်းဘာညာပေါ့။ညကိုးနာရီမန်းအက်ဖ်အမ်ကျတော့လိမ္မော်ရောင်
အဆင့်ရှိပြီး မနက်ဖြန်နံနက်စောစောပိုင်းမြန်မာနိုင်ငံကုန်းတွင်းပိုင်းသို့ဝင်ရောက်နိုင်ပါတယ်။ဆိုတာလိုဖြစ်နေ
မှာစိုးလို့ပါ။ မန္တလေးကပဲ ရခိုင်ကမ်းရိုးတန်းနဲ့ဝေးလို့ နောက်မှပဲ ကြေငြာတော့မယ်။ လောလောဆယ်တော့
သင်္ကြန်သီချင်းလေးတွေ လွှင့်လိုက်ဦးမယ် လို့တွေးပြီးများမလွှင့်တာလား။ ဒါမှမဟုတ် ဟိုဆီ ကနေကို သတင်း
မပို့သေးတာလားတော့မသိ။
အင်း တကယ်ပဲ အချိန်နဲ့တစ်ပြေးညီဖို့လိုအပ်ပါတယ်လို့ အပြုသဘောနဲ့ပြောကြားရင်း လူအချင်းချင်းဝက်တုပ်
ကွေး ကူးစက်ခြင်းမှ ကင်းဝေးပါစေလို့ ဆုတောင်းပေးလိုက်ပါတယ်။
(ကိုးကား- ကြေးမုံ၊ WHO)
ဝက်တုပ်ကွေးနဲ့ပက်သက်တဲ့ နေ့စဉ် အချက်အလက်အသစ်များကို ဖတ်ရှုရန် လိပ်စာ
